ఓం యేనే॒దం భూ॒తం భువ॑నం భవి॒ష్యత్పరి॑గృహీతమ॒మృతే॑న॒ సర్వమ్” ।

యేన॑ య॒జ్ఞస్త్రా॑యతే స॒ప్తహో॑తా॒ తన్మే॒ మన॑: శి॒వస॑oక॒ల్పమ॑స్తు ॥ 1 ॥

యేన॒ కర్మా॑ణి ప్ర॒చర॑న్తి॒ ధీరా॒ యతో॑ వా॒చా మన॑సా॒ చారు॒యన్తి॑ ।

యత్సమ్మి॑త॒o మన॑స్స॒oచర॑oతి తన్మే॒ మన॑: శి॒వస॑oక॒ల్పమ॑స్తు ॥ 2 ॥

యేన॒ కర్మా”ణ్య॒పసో॑ మనీ॒షిణో॑ య॒జ్ఞే శృ॑ణ్వన్తి వి॒తథే॑షు॒ ధీరా”: ।

యద॑పూ॒ర్వం యక్ష॒మంత॑o ప్ర॒జానా॒o తన్మే॒ మన॑: శి॒వస॑oక॒ల్పమ॑స్తు ॥ 3 ॥

యత్ప్ర॒జ్ఞాన॑ము॒త చేతో॒ ధృతి॑శ్చ॒ యజ్జ్యోతి॑ర॒న్తర॒మృత॑o ప్ర॒జాసు॑ ।

యస్మా॒న్న ఋ॒తే కించ॒న కర్మ॑ క్రి॒యతే॒ తన్మే॒ మన॑: శి॒వస॑oక॒ల్పమ॑స్తు ॥ 4 ॥

సు॒షా॒ర॒థిరశ్వా॑నివ॒యం మ॑ను॒ష్యా”న్మేని॒యుతే॑ప॒శుభి॑ర్వా॒జినీ॑వాన్ ।

హృత్ప్రవి॒ష్ట॒o య॒దచ॑ర॒o యవి॑ష్ఠ॒o తన్మే॒ మన॑: శి॒వస॑oక॒ల్పమ॑స్తు ॥ 5 ॥

యస్మి॒న్నృచ॒: సామ॒ యజూగ్॑oషి॒ యస్మి॑న్ ప్రతి॒ష్ఠార॑శ॒నాభా॑వి॒భారా”: ।

యస్మిగ్గ్॑o శ్చి॒తగ్ం సర్వ॒మోత॑o ప్ర॒జానా॒o తన్మే॒ మన॑: శి॒వస॑oక॒ల్పమ॑స్తు ॥ 6 ॥

యదత్ర॑ ష॒ష్ఠం త్రి॒శతగ్॑o సు॒వీర్య॑o య॒జ్ఞస్య॒ గు॒హ్యం నవ॑నావ॒ మాయ్యమ్” ।

దశ॑ పఞ్చ త్రి॒గ్॒oశత॒o యత్ప॑ర॒o తన్మే॒ మన॑: శి॒వస॑oక॒ల్పమ॑స్తు ॥ 7 ॥

యజ్జాగ్ర॑తో దూ॒రము॒దైతి॒ సర్వ॒oతత్సు॒ప్తస్య॑ తథై॒వైతి॑ ।

దూ॒ర॒o గ॒మం జ్యోతి॑షా॒o జ్యోతి॒రేక॒o తన్మే॒ మన॑: శి॒వస॑oక॒ల్పమ॑స్తు ॥ 8 ॥

యేనే॒దం విశ్వ॒o జగ॑తో బ॒భూవ॑ యే దే॒వాపి॑ మహ॒తో జా॒తవే॑దాః ।

తదే॒వాగ్నిస్తద్వా॒యుస్తత్సూర్య॒స్తదు॑చ॒న్ద్రమా॒స్తన్మే॒ మన॑: శి॒వస॑oక॒ల్పమ॑స్తు ॥ 9 ॥

యేన॒ద్యౌః పృ॑థి॒వీ చా॒న్తరి॑క్షం చ॒ యే పర్వ॑తాః ప్ర॒దిశో॒ దిశ॑శ్చ ।

తేనే॒దం జగ॒ద్వ్యాప్త॑o ప్ర॒జానా॒o తన్మే॒ మన॑: శి॒వస॑oక॒ల్పమ॑స్తు ॥ 10 ॥

యే మ॑నో॒ హృద॑య॒o యే చ॑ దే॒వా యే ది॒వ్యా ఆపో॒ యే సూ”ర్య ర॒శ్మిః ।

తే శ్రోత్రే॒ చక్షు॑షీ స॒oచర॑న్త॒o తన్మే॒ మన॑: శి॒వస॑oక॒ల్పమ॑స్తు ॥ 11 ॥

అచి॑న్త్య॒o చాప్ర॑మేయ॒o చ॒ వ్య॒క్తా॒వ్యక్త॑ పర॒o చ య॑త్ ।

సూక్ష్మా”త్సూ॒క్ష్మత॑రం జ్ఞే॒య॒o తన్మే॒ మన॑: శి॒వస॑oక॒ల్పమ॑స్తు ॥ 12 ॥

ఏకా॑ చ ద॒శ శ॒తం చ॑ స॒హస్ర॑o చా॒యుత॑o చ ।

ని॒యుత॑o చ ప్ర॒యుత॒o చార్బు॑దం చ॒ న్య॑ర్బుదం చ॒ ।

తన్మే॒ మన॑: శి॒వస॑oక॒ల్పమ॑స్తు ॥ 13 ॥

యే ప॑ఞ్చ ప॒ఞ్చాద॒శ శ॒తగ్॑o స॒హస్ర॑మ॒యుత॒o న్య॑ర్బుదం చ ।

తే అ॑గ్ని చి॒త్తేష్ట॑కా॒స్తాగ్ం శరీ॑ర॒o తన్మే॒ మన॑: శి॒వస॑oక॒ల్పమ॑స్తు ॥ 14 ॥

వేదా॒హమే॒తం పురు॑షం మ॒హాన్త॑మాది॒త్యవ॑ర్ణ॒o తమ॑స॒: పర॑స్తాత్ ।

యస్య॒ యోని॒o పరి॒పశ్య॑న్తి॒ ధీరా॒స్తన్మే॒ మన॑: శి॒వస॑oక॒ల్పమ॑స్తు ॥ 15 ॥

యస్యై॒తం ధీరా”: పు॒నన్తి॑ క॒వయో” బ్ర॒హ్మాణ॑మే॒తం త్వా॑ వృణుత॒మిన్దుమ్” ।

స్థా॒వ॒రం జఙ్గ॑మ॒o ద్యౌరా॑కా॒శం తన్మే॒ మన॑: శి॒వస॑oక॒ల్పమ॑స్తు ॥16 ॥

పరా”త్ప॒రత॑రం చై॒వ॒ త॒త్పరా”చ్చైవ॒ యత్ప॑రమ్ ।

య॒త్పరా॒త్పర॑తో జ్ఞే॒య॒o తన్మే॒ మన॑: శి॒వస॑oక॒ల్పమ॑స్తు ॥17 ॥

పరా”త్ప॒రత॑రం బ్ర॒హ్మ॒ త॒త్పరా”త్పర॒తో హరి॑: ।

యత్పరా॒త్పర॑తోఽధీ॒శ॒o తన్మే॒ మన॑: శి॒వస॑oక॒ల్పమ॑స్తు ॥18 ॥

యా వేదాదిషు॑ గాయ॒త్రీ స॒ర్వవ్యా॑పీ మ॒హేశ్వ॑రీ ।

ఋగ్యజుస్సామా॑థర్వై॒శ్చ॒ తన్మే॒ మన॑: శి॒వస॑oక॒ల్పమ॑స్తు ॥19 ॥

యో వై॑ దే॒వం మ॑హాదే॒వ॒o ప్ర॒యత॑: ప్రణవ॒శ్శుచి॑: ।

యస్సర్వే॑ సర్వ॑ వేదై॒శ్చ తన్మే॒ మన॑: శి॒వస॑oక॒ల్పమ॑స్తు ॥ 20 ॥

ప్రయ॑తః ప్రణ॑వోంకా॒ర॒o ప్ర॒ణవ॑o పురు॒షోత్త॑మమ్ ।

ఓంకారం ప్రణ॑వాత్మా॒న॒o తన్మే॒ మన॑: శి॒వస॑oక॒ల్పమ॑స్తు ॥ 21 ॥

యోఽసౌ॑ స॒ర్వేషు॑ వేదే॒షు॒ పఠ్యతే” హ్యజ ఈశ్వ॑రః ।

అ॒కా॒యో నిర్గు॑ణో హ్యా॒త్మా॒ తన్మే॒ మన॑: శి॒వస॑oక॒ల్పమ॑స్తు ॥ 22 ॥

గోభి॒ర్జుష్ట॒o ధనే॑న॒ హ్యాయు॑షా చ॒ బలే॑న చ ।

ప్ర॒జయా॑ ప॒శుభి॑: పుష్కరా॒క్షం తన్మే॒ మన॑: శి॒వస॑oక॒ల్పమ॑స్తు ॥ 23 ॥

త్ర్య॑oబకం యజామహే సుగ॒న్ధిం పు॑ష్టి॒వర్ధ॑నమ్ ।

ఉ॒ర్వా॒రు॒కమి॑వ॒ బన్ధ॑నాన్మృ॒త్యోర్ము॑క్షీయ॒

మాఽమృతా॒త్తన్మే॒ మన॑: శి॒వస॑oక॒ల్పమ॑స్తు ॥ 24 ॥

కైలా॑స॒ శిఖ॑రే ర॒మ్యే॒ శ॒oకర॑స్య శి॒వాల॑యే ।

దే॒వతా”స్తత్ర॑ మోద॒న్తి॒ తన్మే॒ మన॑: శి॒వస॑oక॒ల్పమ॑స్తు ॥ 25 ॥

కైలా॑స॒శిఖ॑రావా॒సా హి॒మవ॑ద్గిరి॒ సంస్థి॑తమ్ ।

నీ॒ల॒క॒ణ్ఠం త్రి॑ణేత్ర॒o చ॒ తన్మే॒ మన॑: శి॒వస॑oక॒ల్పమ॑స్తు ॥ 26 ॥

వి॒శ్వత॑శ్చక్షురు॒త వి॒శ్వతో॑ ముఖో వి॒శ్వతో॑ హస్త ఉ॒త వి॒శ్వత॑స్పాత్ ।

సం బా॒హుభ్యా॒o నమ॑తి॒ సంపత॑త్రై॒ర్ద్యావా॑పృథి॒వీ జ॒నయ॑న్దే॒వ ఏక॒స్తన్మే॒ మన॑: శి॒వస॑oక॒ల్పమ॑స్తు ॥ 27॥

చ॒తురో॑ వే॒దాన॑ధీయీ॒త॒ స॒ర్వశా”స్త్రమ॒యం విదు॑: ।

ఇ॒తి॒హా॒స పు॑రాణా॒నాం తన్మే॒ మన॑: శి॒వస॑oక॒ల్పమ॑స్తు ॥ 28 ॥

మా నో॑ మ॒హాన్త॑ము॒త మా నో॑ అర్భ॒కం మా న॒ ఉక్ష॑న్తము॒త మా న॑ ఉక్షి॒తమ్ ।

మానో॑ఽవధీః పి॒తర॒o మోతమా॒తర॑o ప్రి॒యామాన॑స్త॒నువో॑ రుద్ర రీరిష॒స్తన్మే॒ మన॑: శి॒వస॑oక॒ల్పమ॑స్తు ॥ 29॥

మాన॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః ।

వీ॒రాన్మానో॑ రుద్ర భామి॒తోఽవ॑ధీర్హ॒విష్మ॑న్తో॒ నమ॑సా విధేమతే॒ తన్మే॒ మన॑: శి॒వస॑oక॒ల్పమ॑స్తు ॥ 30 ॥

ఋ॒త॒గ్॒o స॒త్యం ప॑రం బ్ర॒హ్మ॒ పు॒రుష॑o కృష్ణ॒పిఙ్గ॑లమ్ ।

ఊ॒ర్ధ్వరే॑తం వి॑రూపా॒క్ష॒o వి॒శ్వరూ॑పాయ॒ వై నమో॒ నమ॒స్తన్మే॒ మన॑: శి॒వస॑oక॒ల్పమ॑స్తు ॥ 31 ॥

కద్రు॒ద్రాయ॒ ప్రచే॑తసే మీ॒ఢుష్ట॑మాయ॒ తవ్య॑సే । వో॒చేమ॒ శన్త॑మగ్ం హృ॒దే ।

సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు॒ తన్మే॒ మన॑: శి॒వస॑oక॒ల్పమ॑స్తు ॥ 32 ॥

బ్రహ్మ॑జజ్ఞా॒నం ప్ర॑థ॒మం పు॒రస్తా॒ద్విసీ॑మ॒తః సు॒రుచో॑ వే॒న ఆ॑వః ।

స బు॒ధ్నియా॑ ఉప॒మా అ॑స్య వి॒ష్ఠాః స॒తశ్చ॒ యోని॒మస॑తశ్చ॒ వివ॒స్తన్మే॒ మన॑: శి॒వస॑oక॒ల్పమ॑స్తు ॥ 33 ॥

యః ప్రా॑ణ॒తో ని॑మిష॒తో మ॑హి॒త్వైక॒ ఇద్రాజా॒ జగ॑తో బ॒భూవ॑ ।

య ఈశే॑ అ॒స్య ద్వి॒పద॒శ్చతు॑ష్పద॒: కస్మై॑ దే॒వాయ॑ హ॒విషా॑ విధేమ॒ తన్మే॒ మన॑: శి॒వస॑oక॒ల్పమ॑స్తు ॥ 34॥

య ఆ”త్మ॒దా బ॑ల॒దా యస్య॒ విశ్వ॑ ఉ॒పాస॑తే ప్ర॒శిష॒o యస్య॑ దే॒వాః ।

యస్య॑ ఛా॒యాఽమృత॒o యస్య॑ మృ॒త్యుః కస్మై॑ దే॒వాయ॑ హ॒విషా॑ విధేమ॒ తన్మే॒ మన॑: శి॒వస॑oక॒ల్పమ॑స్తు ॥ 35 ॥

యో రు॒ద్రో అ॒గ్నౌ యో అ॒ప్సు య ఓష॑ధీషు॒ యో రు॒ద్రో విశ్వా॒ భువ॑నాఽఽవి॒వేశ॒ తస్మై॑ రు॒ద్రాయ॒ నమో॑ అస్తు॒ తన్మే॒ మన॑: శి॒వస॑oక॒ల్పమ॑స్తు ॥ 36 ॥

గ॒న్ధ॒ద్వా॒రాం దు॑రాధ॒ర్షా॒o ని॒త్యపు॑ష్టాం కరీ॒షిణీ”మ్ ।

ఈ॒శ్వరీగ్॑o సర్వ॑భూతా॒నా॒o తామి॒హోప॑హ్వయే॒ శ్రియ॒o తన్మే॒ మన॑: శి॒వస॑oక॒ల్పమ॑స్తు ॥ 37 ॥

నమకం చమ॑కం చై॒వ॒ పు॒రుషసూ”క్తం చ॒ యద్వి॑దుః ।

మ॒హా॒దే॒వం చ॑ తత్తు॒ల్య॒o తన్మే॒ మన॑: శి॒వస॑oక॒ల్పమ॑స్తు ॥ 38 ॥

య ఇదగ్ం శివ॑సంక॒ల్ప॒గ్ం స॒దా ధ్యా॑యన్తి॒ బ్రాహ్మ॑ణాః ।

తే పర॑o మోక్షం గ॑మిష్య॒న్తి॒ తన్మే॒ మన॑: శి॒వస॑oక॒ల్పమ॑స్తు ॥ 39 ॥